பிரேக்கிங் நியூஸ்
கோவை செய்திகள் முகப்பு

டெல்லி விவசாயிகளுக்கு ஆதரவாகக் கோவை ரயில் நிலையம் முற்றுகை : ம.ம.க., – போலீசாரிடையே தள்ளுமுள்ளு!!

கோவை: டெல்லி விவசாயிகளின் போராட்டத்திற்கு ஆதரவாகக் கோவையில் ரயில் நிலைய முற்றுகை போராட்டம் நடத்திய மனித நேய மக்கள் கட்சியினருக்கும், போலீசாருக்கும் இடையே தள்ளு முள்ளு ஏற்பட்டதால் பரபரப்பு ஏற்பட்டது.

வேளாண் சட்டங்களை எதிர்த்து டெல்லியில் விவசாயிகள் தொடர் போராட்டம் நடத்தி வருகின்றனர். இந்தப் போராட்டத்திற்கு ஆதரவாக பல்வேறு அமைப்பினரும் நாடு முழுவதும் போராட்டம் நடத்தி வருகின்றனர்.

இந்த சூழலில், கோவையில் மனித நேய மக்கள் கட்சியினர் ரயில் நிலையத்தை முற்றுகையிட்டு ஆர்ப்பாட்டம் நடத்தினர். அப்போது, போலீசார் வைத்திருந்த தடுப்புகளை மீறி ஆர்ப்பாட்டம் நடத்தியவர்கள் ரயில் நிலையத்திற்குள் நுழைய முயன்றனர். இதனைத் தடுக்க போலீசார் முயன்றனர்.

இதனால், போலீசாருக்கும், ஆர்ப்பாட்டத்தில் ஈடுபட்டவர்களுக்கும் இடையே தள்ளு முள்ளு ஏற்பட்டது. இதனிடையே அவர்களை குண்டுக்கட்டாக தூக்கி வேனில் ஏற்றி கைது செய்தனர். இந்த ஆர்ப்பாட்டத்தால், கோவை ரயில் நிலையம் அருகே சிறுது நேரம் பரபரப்பு ஏற்பட்டது.

Related posts

தினம் ஒரு திருக்குறள் : தி தமிழ் நியூஸ்

The Thamizh News

தி தமிழ் நியூஸ் : தெரிஞ்சுக்கோங்க? BOSS இன்றைய பொது அறிவு வினா

The Thamizh News

கோவை புறநகர் பகுதியில் தொடர் கொள்ளையில் ஈடுபட்ட வந்த நபர் கைது..! போலீசாருக்கு பொதுமக்கள் பாராட்டு..!

The Thamizh News

Leave a Comment